Google və Destex Digital  – ın birgə təşkil etdiyi “Təhsil Sektoru üçün Rəqəmsal Davranışlar və İmkanlar Sammiti” baş tutdu.

Google Partners – Rəqəmsal Marketinq Təlimçisi Özgür Deniz Aydın, Google keçmiş  EMEA direktoru Mustafa İçil və Neyromarketinq Magistr Proqram rəhbəri Prof. Dr. Sinan Canan kimi mühim məruzəçilərin iştirak etdiyi tədbirdə “rəqəmsal çevrilmə” mövzusunun mühim detalları yer alıb.

Prof. Dr. Sinan Canan “inandırmaq və böyüklərin qərar vermə mexanizmi” ilə bağlı təfərrüatlara toxunarkən, Pazarlamasyon.com – dan Necip Murat “təhsil sektorundakı marketinq trendləri” haqqında danışdı. Özəl məktəb və universitetlərin iştirakçıları təhsil sektorunda reklamlar zamanı istifadə edilməli olan arqumentləri sektorun mühim adlarından dinləmək imkanı əldə etdi.

Dedeman Oteldə keçirilən Təhsil Sammiti 2000 şagirdin iştirakı ilə həyata keçirildi və məktəb seçimlərində rəqəmsal reklamların yaratdığı düşüncə ilə bağlı anket məlumatları da paylaşıldı.